Les mots surlignés font l'objet d'une note
1Monsieur, le sieur Du Pègue mat envoyé par homme exprès ce sachet de toyle pour le vous faire tenyr, où il y a
2quelques imfourmations et lettre sienne addressante à vous, laquelle je nay pas veues, estimant que cest ung mesme
3subiect quest en celle là qui ma escrit que verrés cy dedans incluse. Jay leu les dites imformations et luy ay faict
4responce quil feropyt bien de pourvoyr à ce quil doyt, sans vous rompre la teste si souvent comme il faict de
5plusieurs chouses ausquelles il devroit remedyer sans quelles vinssent en votre cognoyssance, mesmes pour contraindre
6les habitans de Taulignan daller eus mesmes à la guarde sans y avoyr des enfantz et des pouvres gens vieus qui
7ont plus de soyssanteans, comme il met dans les dites imfourmations. Il ce parle fourt quon ha descouvert
8si non que cest le commun bruict. Lon mat asseuré que ceus du Contat ne veullent donner point dargent
10pour avoyr la tresve avec les huguenotz. Jattens ce jourdhuy icy le sieur Du Pelous à ce quil mat mandé,
11lequel men dirat toutes nouvelles. Je salue voz bonnes graces par mes très humbles recommandations,
12priant Notre Seigneur vous donner
13monsieur, en très bonne sancté, longue et hereuse vye. Au Mon(telim)ar, ce IIe febvrier. Ma femme ha tousiours
14quelque petit ressentiment de sa fièvre avec vomissement de quantités de fleumes.
15Vostre très humbles filz et à jamays très hobeyssant
16serviteur
17Hourche